Татарстанда олимпиадаларда катнашучы мәктәп укучылары өчен профильле сменалар уза

2025 елның 22 октябре, чәршәмбе

20 октябрьдән башлап, атна дәвамында Татарстаннан 200 гә якын укучы республика һәм Бөтенроссия олимпиадаларының алдагы этапларына интенсив әзерлек белән мәшгуль.

Уку-тренировка сменары Республика олимпиада үзәгенең “Билингва” сменасы кысаларында уздырыла. Сменада барлыгы алты юнәлеш: француз һәм инглиз телләре, биология, әдәбият, сәнгать (МХК) һәм геология.

«Дуслык» сәламәтләндерү-белем бирү комплексы төп мәйданчык. Моннан тыш, программа күчмә дәресләргә бай - мәсәлән, КФУның Фундаменталь медицина һәм биология институтының зоологик музее базасында лаборатория эшләре һәм практикумнары, шулай ук КФУның А.А. Штукенберг исемендәге музеенда геологик процессларны өйрәнү булачак.