MAX та Сферумны кулланучылар саны 10 млнга җиткән

2025 елның 22 октябре, чәршәмбе

MAX милли мессенджерында Сферум белем бирү киңлегеннән 10 миллионнан артык педагог, укучылар һәм аларның ата-аналары файдалана. Августта сервис этаплап 6 сынау төбәгендә эшләтеп җибәрелде, ә октябрьдә бөтен Россия буенча куллана башладылар.

Атна саен Сферумның аудиториясе 6 млн кулланучыга җитә, көн саен мәгариф киңлеге сервисларыннан 3 млн кеше файдалана.

Мессенджерда Сферумның төп функцияләре тәкъдим ителгән, мәсәлән, чатлар, видеошалтыратулар, материалларны бергәләп өйрәнү өчен интерактив такта, "Сбор файлов" һәм "Укучы ярдәмчесе" сервислары, "Пушкин картасы" чат-боты һәм башкалар.