«Ел инновациясе - 2025» конкурсы йомгаклары: биш номинациядә 25 җиңүче билгеләнде

2025 елның 17 декабре, чәршәмбе

Татарстанда «Ел инновациясе - 2025» II республика конкурсына йомгак ясалды, аны оештыручылар - ТР Инвестиция-венчур фонды, ТР Мәгариф һәм фән министрлыгы һәм ТР Фәннәр академиясе. Оештыру комитеты карары буенча «Перспектива», «Студентлар стартабы», «Технология компаниясе», «Корпоратив инновация» һәм «Интеллектуаль милек» номинацияләрендә 25 җиңүче расланды.

Конкурс фәнни-технологик проектларга һәм әзер карарларга ярдәм итүгә юнәлтелгән. 2025 елда катнашучылар машина төзелеше, ИТ, медицина, биотехнологияләр, сәнәгать һәм аграр сектор өлкәсендәге эшләнмәләрне тәкъдим иттеләр.