Татарстанда тугызынчы сыйныфны тәмамлаучыларның 57% мәктәп урынына көллиятләрдә белем алуны сайлый

2025 елның 23 декабре, сишәмбе

Татарстанда тугызынчы сыйныф укучыларының 57% ы көллиятләрдә һәм техникумнарда белем алуны сайлый. Бу хакта туры эфир вакытында ТР мәгариф һәм фән министрының беренче урынбасары Рәмис Мөҗипов хәбәр итте.

"Урта һөнәри белем бирү системасы уңай динамика күрсәтә – тугызынчы сыйныф укучылары мәктәп урынына көллиятләр һәм техникумнарны сайлый. Тулаем алганда Россия буенча 63% тугызынчы сыйныф укучылары урта һөнәри белем бирү учреждениеләренә укырга керә ", - диде ул.

Мөҗипов сүзләренчә, хәзер Россиядә көллият һәм техникумнарда 3,9 млн кеше укый, шул исәптән 87 меңе - Татарстанда.