Татарстанда «Иң яхшы яшь галим» конкурсының яңа номинациясе гамәлгә куелды
«Татарстан Республикасының иң яхшы яшь галиме» конкурсы кысаларында махсус номинация - Гран-при гамәлгә куелды. Төбәк Министрлар Кабинетының тиешле карарына Татарстан Республикасы Премьер-министры Алексей Песошин кул куйды.
Ел саен яңа номинациядә өч лауреат билгеләнәчәк. I дәрәҗә Гран-при иясе өчен 500 мең сум күләмендә акчалата бүләк каралган, II дәрәҗә Гран-при - 350 мең сум, III дәрәҗә Гран-при - 250 мең сум.
Премия алуга дәгъва кылучыларның Татарстан Республикасы фәнен үстерүгә керткән шәхси өлеше һәм фәнни казанышлары, шулай ук фәнни оешмаларда, югары уку йортларында яисә һөнәри белем бирү оешмаларында кимендә биш ел хезмәт стажы булырга тиеш.
Фәннәр кандидаты дәрәҗәсе ияләре өчен яшь чикләве 35 ел тәшкил итә, фәннәр докторы дәрәҗәсе - 40 ел. Моннан тыш, дәгъвачыларның салымнар буенча бурычлары булмаска, банкротлык процедурасын узмаган булырга тиешләр. Моннан тыш, аларның чит ил агенты статусы булмаска тиеш.
Узган елның октябрендә, Татарстанда яшь галимнәр өчен премияләр санын һәм күләмен арттырдылар.