Эскиз проектларының Бөтенроссия конкурсы
Россиядә ирекле волонтерларга багышланган мемориалларның иң яхшы эскиз проектларына архитектура-сәнгать конкурсы игълан ителде. Ул бөтен ил буенча студентларны, архитектура һәм сәнгать юнәлешләре буенча уку йортлары тәмамлаучыларны һәм яшь белгечләрне берләштерә.
Конкурс Россия Федерациясе Президентының 809 номерлы Указын нигезендә уздырыла һәм тарихи хәтерне саклап калуга, традицион рухи-әхлакый кыйммәтләрне ныгытуга һәм яшьләрнең гражданлык җаваплылыгын үстерүгә юнәлтелгән.
Конкурс берничә этапта уза: модерация, һөнәри конкурс комиссиясе тарафыннан эксперт бәяләмәсе һәм ачык онлайн-тавыш бирү. Йомгаклау 2026 елның 30 апреленнән дә соңга калмыйча ясалачак, ә җиңүчеләрне бүләкләү 2026 елның 15 маена кадәр булачак.
Җиңүчеләр кыйммәтле призлар - иҗат техникасы, дипломнар һәм кыйммәтле бүләкләр алачак, ә аларның проектлары реаль мемориаллар нигезенә ятачак.
Гаризаны 2026 елның 28 февраленә кадәр сылтама аша тапшырырга мөмкин.