Рособрнадзор БДИ-2026 да катнашуга гаризалар бирү срокларын искә төшерә
Мәгариф һәм фән өлкәсендә күзәтчелек буенча федераль хезмәт искәртеп узганча, 2026 елда БДИ да катнашу турындагы гаризаны 1 февральгә кадәр тапшырырга кирәк. 2026 елның 1 феврале - якшәмбе булуын исәпкә алып, 2 февральгә кадәр гариза бирергә мөмкин булачак.
Быелгы чыгарылыш укучылары үз мәктәпләрендә , ә экстерналар - урта гомуми белем бирү программалары буенча дәүләт аккредитациясе булган мәктәпкә гариза бирәләр.
Узган еллардагы чыгарылыш сыйныф укучылары мәгариф идарәсе төбәк органы тарафыннан расланган БДИ тапшыру урынына гариза бирә. Мондый теркәлү урыннары турында мәгълүмат мәгариф идарәсе төбәк органнарының рәсми сайтларында бастырыла.
БДИда катнашу өчен гаризада катнашучы тапшырырга ниятләгән предметларны санап чыгарга кирәк. Быелгы чыгарылыш сыйныф укучылары өчен ике имтихан, рус теле һәм математика, мәҗбүри. Әлеге предметларны уңышлы тапшыру урта гомуми белем турында аттестат алу өчен кирәк. Быелгы чыгарылыш сыйныф укучылары математикадан БДИ 2 дәрәҗәнең берсен сайлый ала: төп яки профильле. Узган елларны тәмамлаучылар математика буенча бары тик профильле дәрәҗәдәге БДИда катнашуга теркәлә ала.
Тапшыру өчен предметларны сайлау БДИ катнашучысын нинди белгечлек яки әзерлек юнәлеше буенча укытуны дәвам итәргә ниятләвен исәпкә алып кирәк. Гариза бирер алдыннан әлеге мәгълүмат белән сайланган югары уку йортлары сайтларында танышырга кирәк.