Әлмәттә яшеренү урыны, изоляторы һәм туклану өчен лифты булган яңа балалар бакчасы ачылачак

2026 елның 21 гыйнвары, чәршәмбе

Әлмәттә яңа микрорайонда заманча мәктәпкәчә белем бирү учреждениесе - “Полянка” балалар бакчасы ачылачак. Бакча Полевая урамы, 10а адресы буенча урнашкан .

Балалар бакчасы төзелеше нефтьчеләр стратегиясе кысаларында гамәлгә ашырылган, ул торак инфраструктурасын үстерүгә һәм уңайлы шәһәр мохите булдыруга юнәлдерелгән. Балалар бакчасы 164 балага исәпләнгән. Учреждениедә сигез төркем булачак, шул исәптән ясле төркемнәре дә . Бина проекты  заманча таләпләрне исәпкә алып эшләнгән.

Бинада үз изоляторы булган заманча медицина блогы каралган. Азык-төлек блогы  әзер ризыкны катларга  махсус лифт белән  менгезүгә җиһазландырылган.