Татарстанның беренче «Кванториум» ы үзенең ун еллык юбилеен билгеләп үтте
5 февраль көнне Чаллыда беренче “Кванториум” балалар технопаркы үзенең юбилеен билгеләп үтте: шәһәрнең ун мәктәбеннән 100 укучы, хөрмәтле кунаклар һәм укытучылар киләчәк буын өчен вакыт капсуласын активлаштырдылар.
10 ел - ул гади сан гына түгел - ул чынбарлыкка әверелгән ун еллык хыяллар. Чаллы «Кванториумында» Татарстанда инженерлар, уйлап табучылар, киләчәк лидерлары туганын расладылар.
Балалар технопаркы коллективы адресына Мәскәүнең «Движение Первых» балалар һәм яшьләр хәрәкәтеннән, ИТ-парктан һәм Мәгариф һәм фән министрлыгының мәктәптән тыш эшләү республика үзәгеннән һ.б.лардын котлаулар килде.
Ун ел эчендә «Кванториум» инновацион белем бирү эшчәнлеге белән Яр Чаллыны, республиканың алты районын - Әгерҗе, Актаныш, Зәй, Минзәлә, Менделеевск һәм Сарманны колачлады, барлыгы 48 меңнән артык укучы технопаркның төрле чараларында катнашты.