Россия Федерациясе Мәгариф министры Сергей Кравцовның Россия фәне көне белән котлавы
Хөрмәтле коллегалар, галимнәр һәм укытучылар!
Чын күңелемнән сезне Россия фәне көне белән котлыйм!
Бүгенге фән - прогрессның төп хәрәкәт көче. Без Россия тикшеренүчеләренең глобаль бурычларны хәл итүдә тон бирүләре, бөтен кешелек өчен яңа офыклар ачучы алга китешләр кылулары белән горурланабыз.
Галимнәргә, фән эшлеклеләренә рәхмәт әйтәсем килә. Сезнең фидакарь хезмәтегез, фундаменталь ачышлар сәнәгать, авыл хуҗалыгы, медицина һәм социаль өлкә өчен эшли, илебез суверенитетын үстерү һәм ныгыту өчен ышанычлы нигез булып хезмәт итә.
Без яшь буында тикшеренүләр белән кызыксыну тәрбияләүгә зур игътибар бирәбез. Безнең мәктәп укучылары бөтенроссия һәм халыкара олимпиадаларда искиткеч нәтиҗәләр күрсәтәләр.
Көчле фәнни үзәкләр булганы өчен илнең педагогик югары уку йортларын аерым билгеләп үтәм. Аларда бай ватан традицияләренә таянган заманча белем бирү методикалары туа һәм кертелә, җитди дисциплинаара тикшеренүләр алып барыла.
Кадерле дуслар! Сезнең барлык идеяләрегез тормышка ашсын, уңышлар телим!
Россия Федерациясе Мәгариф министры Сергей Кравцов