Дәүләт Думасы депутатлары Татарстанда СПО үстерү буенча экспериментның гамәлгә ашырылуын бәяләячәк
Бүген Казан радиомеханика көллиятендә Россия Федерациясе Федераль Җыены Дәүләт Думасының мәгариф комитеты рәисе Ирина Белых җитәкчелегендә Дәүләт Думасы депутатлары делегациясе визиты узачак.
Визитның максаты: Урта һөнәри белем алу мөмкинлеген киңәйтү буенча федераль экспериментны гамәлгә ашыруга Татарстан Республикасының әзерлеген бәяләү һәм региональ икътисад ихтыяҗларына юнәлтелгән кадрларны әзерләүнең нәтиҗәлелеген тикшерү.
Делегация составында Ирина Белых - Дәүләт Думасының мәгариф комитеты рәисе, Ирина Ивенских - Комитет рәисе урынбасары, Владимир Желонкин - Россия Мәгариф министры урынбасары, Светлана Литвиненко - Россия Мәгариф һәм фән министрлыгының урта һөнәри белем бирү өлкәсендә дәүләт сәясәте департаменты директоры урынбасары, Татьяна Ларионова - Татарстан Республикасыннан Дәүләт Думасы депутаты, Илсур Һадиуллин - Татарстан Республикасы мәгариф һәм фән министры.