КФУда бердәм Ачык ишекләр көненең тулы программасы билгеле
Казан федераль университетының бердәм Ачык ишекләр көне 4 апрельдә «УНИКС» та 12.00 сәгатьтән 16.00 сәгатькә кадәр узачак. Югары уку йортының барлык институтлары һәм факультетлары бер үк вакытта бер мәйданчыкта тәкъдим ителәчәк.
Шулай итеп, үзәкнең сәләтле укучылар белән эшләү күргәзмәсе кунакларны әзерлек курслары, олимпиадалар һәм югары уку йортына әзерлек турында мәгълүмат белән таныштырачак.
Казан Университеты партнерлары күргәзмәсе абитуриентларга максатчан белем бирү заказчылары белән турыдан-туры аралашу өчен уникаль мөмкинлек тудырачак. Анда Татарстан Республикасы Мәгариф һәм фән министрлыгы, Татарстан Республикасы Яшьләр эшләре министрлыгы, Татарстан Республикасы Сәламәтлек саклау министрлыгы, Татарстан Республикасында Суд департаменты идарәсе һәм Казан вертолет заводы вәкилләре катнашачак.
Чарага керү-бушлай, тик алдан теркәлергә кирәк.