Татарстан укучыларын «Космос в кадре» иҗат акциясенә кушылырга чакыралар

2026 елның 6 апреле, дүшәмбе

6 апрель көнне "Укучылар өчен мәдәният" проекты кысаларында оештырылган мәктәп укучылары өчен "Космос в кадре" Бөтенроссия иҗат акциясе старт ала. Аңа Татарстан укучылары да кушыла ала, дип хәбәр итә чараны оештыручылар.

Акция Россиядә билгеләп үтелә торган космос атнасына багышланган. Аның максатлары арасында - балалар һәм яшүсмерләр арасында үзебезнең космонавтика тарихын популярлаштыру, фән һәм техника өлкәсендә ил казанышларына хөрмәт тәрбияләү, шулай ук космик киңлекне үзләштерүгә керткән өлеше өчен горурлык хисе формалаштыру.