Политехника көллияте студентлары интернат-йортта яшәүчеләр белән очрашу үткәрде

2026 елның 6 апреле, дүшәмбе

Мамадыш политехника көллияте студентлары өлкәннәр һәм инвалидлар интернат-йортында яшәүчеләр белән очрашты.  Алар өлкән яшьтәгеләр һәм сәламәтлек мөмкинлекләре чикләнгәннәр өчен сыерчык оялары ясау буенча мастер-класс үткәрделәр. Әлеге идея очраклы гына тумаган: парк зонасы янәшәсендә бик күп агачлар үсә  һәм интернатта яшәүчеләр аны күптәннән кошлар тавышы белән җанландырырга хыялланган булган.