Россия Мәгариф министрлыгы МАХ та "Укытучыларның хокук ассистенты" чат-ботын эшләтеп җибәрде.
Педагогик хезмәткәрләрнең намусын һәм абруен яклау буенча РФ Мәгариф министрлыгы тарафыннан эшләнгән рәсми чат-ботны МАХ мессенджерында илнең барлык төбәкләренең укытучылары карый ала. Сервис укытучыларга ярдәм итү һәм аларның һөнәри хокукларын яклау буенча системалы эш кысаларында булдырылган. Аның ярдәмендә укытучылар конкрет ситуациягә җайлаштырылган кирәкле киңәшләрне ала алалар.
Чат-ботта белем бирү процессында катнашучылар белән конфликтларны җайга салуга багышланган берничә бүлек каралган. Шунысын да билгеләп үтәргә кирәк, чат-ботның формулировкалары мәгълүмати характерга ия һәм хокукый консультацияне алыштырмый. Әмма сервис укытучыга катлаулы хәлдә тиз арада юнәлеш һәм гамәлләр алгоритмын алырга, алга таба ярдәм сорап кая мөрәҗәгать итәргә икәнен аңларга мөмкинлек бирә.