«Россия» телеканалы һәм РФ Мәгариф министрлыгы «Классная тема» проектының яңа сезонында катнашырга чакыралар
6 апрельдән "Россия" телеканалы, Россия Федерациясе Мәгариф министрлыгы VK компаниясе ярдәмендә "Классная тема" телешоуның юбилей, бишенче сезонында катнашучыларны бөтенроссия сайлап алуын уздыра. Замана укытучыларына багышланган проект Россия Федерациясе Президенты Владимир Путин йөкләмәсе буенча төзелде һәм ул илебезгә иң якты замана укыучыларын күрсәтергә, шулай ук әлеге һөнәрнең абруен күтәрергә чакыра. «Классная тема» телевизион тамашасы инде бишенче тапкыр уздырыла. Шоу Россия Президенты йөкләмәсе буенча эшли башлады, аның геройлары - биология, география, тарих, физика, химия, математика, шулай ук рус теле һәм әдәбияты укытучылары. Җиңүче үз дәресләре циклын әйдәп баручы телеканалда үткәрү мөмкинлеген ала.
Узган ел проектта илебездән 5 644 укытучы катнашты. Укытучы һөнәре даими үз-үзен камилләштерүне һәм иҗатны күздә тота, һәм мин ышанам, "Классная тема"да катнашырга җибәрелгән барлык укытучылар да үз идеяләрен һәм эшләрен тормышка ашыра алачак", - дип билгеләде Россиянең мәгариф министры Сергей Кравцов.
Телешоуда илнең теләсә кайсы төбәгеннән укытучылар катнаша ала.