Формуладан тәҗрибәләргә: Казанда В.П. Лушников исемендәге I физика-химия олимпиадасы уза

2026 елның 9 апреле, пәнҗешәмбе

8 апрельдән 10 апрельгә кадәр Казанда В.П. Лушников исемендәге I физика-химия олимпиадасы уза. Чара Мәскәү районының Л.Н. Мурысин исемендәге 94 нче гимназиясе ндә үтә. Интеллектуаль ярышта Киров һәм Мәскәү районнарының 16 белем бирү оешмасыннан 9-11 сыйныфларның 80 укучысы катнаша.

Тантаналы ачылыш бүген, 8 апрельдә булды. 9:30да олимпиаданың беренче этабы башланды, дип хәбәр итә шәһәр мәгариф идарәсе.

Ярышның программасына ике этап - теоретик һәм практик этап керә. Теоретик тур мәктәп программасының белем тирәнлеген тикшерүгә һәм югары катлаулылыктагы мәсьәләләрне чишүгә юнәлтелгән. Катнашучыларга механика, термодинамика, электр, оптика, шулай ук неорганик, органик һәм физик химия өлкәсендәге белемнәрен күрсәтәсе бар.