Сергей Кравцов: «Мәгълүмати технологияләр беркайчан да укытучыны алыштырмаячак»
РФ мәгариф министры Сергей Кравцов "Россия 24" телеканалы алып баручысы Роман Плюсовка интервью бирде. Ул мәгариф системасындагы яңалыклар, мәктәптә укытуның оптималь сроклары, балалар белән тәрбия эше, шулай ук 2036 елга кадәр мәгариф үсеше стратегиясен әзерләү турында сөйләде.
Күпсанлы сораулар арасында , түбәндәгеләре дә бар иде.
- МАХ мессенджерында күптән түгел генә сез укытучыларның намусын һәм абруен яклау буенча чат-бот төзедегез. Ул ничек эшләячәк?
Без аны укытучыларның үзләре инициативасы буенча кеше хокуклары Советы белән бергә оештырдык. Анда укытучыларны кызыксындырган сорауларны бирергә, җаваплар алырга мөмкин булачак. Без узган елның декабрендә барлык төбәкләргә укытучыга үзен ничек тотарга дигән тиешле инструкцияләр җибәрдек, әгәр укучыда деструктив тәртип урнаштырылсын, бу мәсьәлә җайга салынсын һәм соңыннан укытучыга ниндидер таләпләр, дәгъвалар белдерелмәсен өчен.
- Ягъни укытучы ниндидер хәлгә зарлана ала?
Зарланырга да, квалификацияле ярдәм дә алырга мөмкин. Без кеше хокуклары Советы белән бергә эшләгән инструкцияләр нәкъ менә укытучыны максималь яклаячак. Әгәр килеп чыкса, без тәкъдимнәргә әзер. Әгәр кирәк булса, бу рекомендацияләргә ниндидер үзгәрешләр дә кертәчәкбез - без моны һичшиксез эшләячәкбез.