Яр Чаллы педагогика университеты чыгарылыш сыйныф укучыларын Ачык ишекләр көненә чакыра
18 апрельдә Яр Чаллы дәүләт педагогика университеты (ЯЧДПУ) РФ Мәгариф министрлыгына караган педагогик югары уку йортларының Бөтенроссия Ачык ишекләр көненә кушыла һәм киләчәктә абитуриент булачак укучыларны һәм аларның ата-аналарын университет белән якыннан танышырга чакыра.
10–11 сыйныф укучылары өчен очрашу 8:30 сәгатьтә, 9 сыйныф укучылары өчен 11:30 сәгатьтә башлана.
Программада Татарстанның алдынгы педагогик югары уку йортларының берсе белән танышу каралган. Ректор югары һәм урта һөнәри белем бирү программалары турында җентекле мәгълүмат җиткерәчәк, шулай ук укытучылар һәм студентлар белән очрашу узачак. Университет буенча экскурсия оештырылачак, укуга керү һәм уку процессына кагылышлы барлык сорауларга җаваплар биреләчәк.
Килер алдыннан теркәү узарга кирәк:
— 10-11 сыйныф укучылары өчен теркәү: https://forms.yandex.ru/u/69cf62bc4936398b99329251
— 9 сыйныф укучылары өчен теркәү: https://forms.yandex.ru/u/69cf6a86eb61469f4c4aac4b