Һадиуллин мәгариф өлкәсендә төбәкләр хезмәттәшлеген көчәйтергә өндәде

2026 елның 20 апреле, дүшәмбе

Казанда узган «Туган тел» форумында Татарстан мәгариф һәм фән министры Илсур Һадиуллин республика районнары һәм Россия төбәкләре арасында мәгариф өлкәсендәге хезмәттәшлекне яңа дәрәҗәгә чыгару бурычын билгеләде.

Аның сүзләренчә, Татарстан муниципалитетлары башка төбәкләрдә яшәүче ватандашларыбызга методик һәм практик ярдәм күрсәтүдә активрак катнашырга тиеш.

Мондый эшнең уңай үрнәкләре бар инде. Мисал өчен, Чүпрәле районы — Чувашия белән, Апас — Пенза өлкәсе һәм Ставрополь крае белән, ә Яшел Үзән районы Курган һәм Түбән Новгород өлкәләре белән тыгыз элемтәләр урнаштырган.

Министр билгеләп үткәнчә, мондый элемтәләр ике як өчен дә файдалы һәм милли мәгариф системасын ныгытуга ярдәм итә.