Казанда IEK Электриклар чемпионатының икенче ярымфиналы узачак
21 апрельдә Казанда IEK Электриклар чемпионатының икенче ярымфиналы булачак. Бу — халыкара дәрәҗәдә үткәрелә торган һәм Россия һәм БДБ илләреннән меңләгән гариза җыючы һөнәри осталык буенча иң эре тармак ярышларының берсе.
Быел чемпионатта катнашучылар, ярыш тарихында беренче тапкыр, компаниянең җитештерү мәйданчыкларына экскурсиягә барачак. РФ вәкилләре бәйсез квалификация бәяләмәсен (НОК) үтеп, әзерлек дәрәҗәсен раслаучы дәүләт үрнәгендәге документ ала алачак.
Икенче ярымфиналны оештыручылар — IEK GROUP һәм «Һөнәри осталыкны үстерү агентлыгы» АНО. Ярышлар Казан энергетика көллиятендә узачак. Ярымфиналда Идел буе федераль округының 15 иң көчле электромонтажчысы катнашачак. Алар Казан, Уфа, Миасс, Лениногорск һәм Чебоксар шәһәрләреннән киләчәк.