Татарстанда физика, химия һәм биология буенча иң яхшы укытучылар 345 мең сумга кадәр акча алачак
Татарстанда эшләрендә югары нәтиҗәләр күрсәткән физика, химия һәм биология укытучыларына акчалата бүләкләүне түләү тәртибен кабул итәргә планлаштыралар. ТР Хөкүмәтенең тиешле карары коррупциягә каршы экспертиза уза.
Түләүгә профильле дисциплиналар буенча эшләүче укытучылар, шулай ук мәктәптә эш алып баручы югары уку йортлары укытучылары дәгъва итә ала.
Программаның максаты - укучыларны физика, химия һәм биология буенча югары дәрәҗәдә әзерләүне тәэмин итүче укытучыларга ярдәм итү.
Түләүләр өч номинация буенча бүленә:
«Физик-химик профиль укытучысы» - 345 мең сумлык 100 премия;
«Яшь физик-химик профиль укытучысы» - 288 мең сумлык 100 премия;
"Бер үк вакытта мәктәптә эшләүче физик-химик профильле югары уку йорты укытучысы" - 230 мең сум буенча 20 премиягә кадәр.
Грантны ике юнәлеш буенча бүләләр. Беренчесе – укучыларның физика, химия һәм биология буенча югары нәтиҗәләре өчен. Икенчесе - табигый-фәнни профильле мәктәп лабораторияләрен булдыру һәм җиһазландыруга. Беренче очракта мәктәп 1 млн сум алырга мөмкин, икенчесендә - 2 млн сум. Һәр категориядә 30дан артык җиңүче каралган.
Гаризалар кабул ителгәннән соң конкурс комиссиясе аларны 15 эш көне эчендә карый.