«Җиңү поезды» Казанга 29 апрельдә киләчәк
Бөек Ватан сугышында Җиңүнең 81 еллыгын бәйрәм итү уңаеннан, Горький тимер юлында яңадан «Җиңү поезды» мемориаль составы формалаштырылды. 29 апрельдә ул Казанга киләчәк, ә 30 апрельдә — Арча һәм Әгерҗе шәһәрләрендә булачак.
«Җиңү поезды» барлык станцияләрдә дә 40 минут торачак. Состав Казанга — 18:45 сәгатьтә, Арчага — 08:40 сәгатьтә, ә Әгерҗе-1 станциясенә 18:15 сәгатьтә килеп җитәчәк.
Поезд башында сугыш вакытындагы бронепоездны гәүдәләндерүче легендар Л серияле ике паровоз булачак. Шулай ук, составка хәрби техника үрнәкләре куелган алты платформа, кыр кухнясы булган ике вагон-теплушка һәм сугыш елларындагы көнкүреш предметларыннан торган тематик композиция кертелгән.
Узган елда мемориаль состав Россиянең 11 төбәгендә булды һәм 47 станциядә тукталыш ясады.