Яр Чаллыда «2026 елның музыка җитәкчесе» һәм «2026 елның физик культура буенча инструкторы» һөнәри осталык конкурслары узды
Яр Чаллыда мәктәпкәчә белем бирү оешмалары укытучылары арасында ике әһәмиятле һөнәри осталык конкурсы — «2026 елның музыка җитәкчесе» һәм «2026 елның физик культура буенча инструкторы» уңышлы узды.
Чаралар мәктәпкәчә белем бирү елы кысаларында оештырылды һәм иҗат һәм педагогик осталык бәйрәменә әверелде. Конкурс сынаулары дүрт этапны үз эченә алды:
Катнашучыларның үз педагогик ачышларын һәм инновацион методикаларын тәкъдим итүе.
Таныш булмаган балалар белән шөгыльләр уздыру аша һөнәри компетенцияләрне күрсәтү.
Ата-аналар җәмәгатьчелеге өчен мәгърифәтчелек чаралары үткәрү.
Финал этабында 27, 33, 71, 81, 110, 115, 116, 128 нче балалар бакчаларыннан 8 музыка җитәкчесе һәм 9 физик культура буенча инструктор катнашты. Алар мастер-класслар һәм иҗади номерлар тәкъдим иттеләр. Жюри номинацияләр буенча җиңүчеләрне билгеләде. Тантаналы чара кысаларында 23 нче һәм 126 нчы балалар бакчаларында тәрбияләнүчеләр концерт программасы әзерләгәннәр. Алар мәктәпкәчә белем бирү елына багышланган шигырьләр укыдылар һәм халык җырларын башкардылар.