14 февральдән 16 февральгә кадәр Баулы муниципаль районының «Универсал спорт залы» спорт комплексында 2013/2014 уку елы сезонының Республика гомумибелем бирү оешмалары командалары арасында «КЭС-БАСКЕТ» мәктәп баскетбол лигасы Чемпионаты үтте

Ярышларда Азнакай, Актаныш, Алексеевск, Арча, Баулы, Буа, Казан, Кукмара, Спас, Яшел үзән, Әлмәт районнарының, Казан һәм Яр Чаллы шәһәрләренең 16 кызлар һәм егетләр командалары катнашты.
Ярышларны ачу тантанасы 14 февральдә булды. Тантанада Баулы муниципаль районы Башлыгы Альберт Хәбибуллин, «КЭС-БАСКЕТ» мәктәп баскетбол лигасы идарәсе рәисе Светлана Антипова һәм башка рәсми вәкилләр катнашты.
16 февраль көнне финал уеннары төгәлләнгәннән соң ярышларны ябу тантанасы узды. Тантанада Пермь шәһәренең «UG» очучы баскетболчылар төркеме чыгыш ясады.
Җиңүчеләр 2014 елның март аенда Идел буе федераль округының финал ярышларында республика данын яклаячаклар.