Ата-ана тәрбиясеннән мәхрүм ителгән ятим балаларның һәм балаларны тәрбиягә алган гаиләләрнең нормаль тормыш шартларын булдыру белән шөгыльләнүче белгечләрнең “Ятим балаларны тәрбиягә алган гаиләләрне әйдәп бару” дип аталган республика семинары

2014 нче елның 4 мартында ятим балаларны тәрбиягә алган гаиләләрне әйдәп бару хезмәте барлыкка китерү һәм оештыру максаты белән ДБББУ нигезендә “Бөгелмә балалар йорты”нда семинар булып узды. Әлеге чараны ТР Мәгариф һәм Фән Министрлыгы оештырды. Семинарда ятим балаларны тәрбиягә алган ата-аналар, балалар йортлары директорлары, ТР Мәгариф һәм Фән Министрлыгы опека һәм попечительлек узәге директоры Хәбибуллина Д.Р., Татарстан республикасының көньяк-көнчыгыш районнарының опека һәм попечительлек белгечләре катнашты (Әлмәт, Бөгелмә, Азнакай, Баулы, Зәй, Лениногорск, Ютазы районнары). Семинарда катнашучыларны Бөгелмә муниципаль районы башкарма комитеты урынбасары Гайфуллина Л.А. сәламләде. ТР Мәгариф һәм Фән Министрлыгының опека, попечительлек һәм педагогик ярдәм итү бүлеге башлыгы Мусабирова З.В. катнашучыларны ата-ана тәрбиясеннән мәхрүм ителгэн ятим балаларны гаиләләргә урнаштыру планы белән таныштырды. Семинар кысаларында ятим балаларны тәрбиягә алган ата-аналарны һәм шул гаиләләрне әйдәп баруның әһәмиятле мәсьәләләрен нәтиҗәле тормышка ашыру үрнәкләре буенча фикер алышу булды.Үзләренең тәҗрибәләре белән Бөгелмә балалар йорты директоры Тульникова Г.А., социаль педагог Шириева Е.В. уртаклаштылар. ДБББУ “Чистай балалар йорты” директоры Е.А.Вәлиеваның “Ятим балаларны тәрбиягә алган ата-аналарны әйдәп бару” чыгышы ачык мөназарага әверелде. Шулай ук тәрбиягә алырга теләгән гаиләләргә һәм гражданнарга ярдәм күрсәтү нияте белән, ТР Мәгариф һәм Фән Министрлыгының опека һәм попечительлек үзәге, ТР районнарының башкарма комитетлары опека һәм попечительлек бүлекләре белән берлектә, ятим балаларны тәрбиягә алган үрнәк гаиләләр катнашуында консультатив төркемнәр оештыру мәсьәләсе каралды. Әлеге төркемнәрнең хәрәкәтен координацияләү өчен семинарда ятим балаларны тәрбиягә алган гаиләләр активы сайланды. Семинар катнашучыларның актив эшчәнлегендә узды. Ятим балаларга нормаль тормыш шартлары тудыру мәсьәләләре буенча фикерләр алышынды. “В Семью.ру” сайтында ятим балаларны тәрбиягә алган ата-аналар өчен аралашу мөмкинлекләре тудырылган.