Түбән Кама укучылары Бөтенроссия робот техникасы фестивалендә катнашты

“РобоФест” дип аталган Бөтенроссия робот техникасы буенча яшьләр фестивале – Европада балалар һәм яшьләр арасында инновацион технологияләр, робот техникасы һәм мехатроника өлкәсендә үткәрелә торган иң эре чараларның берсе. Ул 2009 елдан башлап уздырыла.
Һәр елны 2008 елдан башлап РФ Мәгариф һәм фән министрлыгы, Стратегик инициативалар агентлыгы ярдәме белән Олег Дерипасконың “Ирекле эш” дип аталган Фонды һәм Россия яшьләре тафыннан оештырылган “Робот техникасы – инновацион Россиянең инженер-техник кадрлары” программасының үзәк вакыйгасы булып тора. 2009-2013 елларда биш Бөтенроссия робот техникасы фестивале оештырылган. Хәзерге вакытта “Робот техникасы” программасында Россиянең 53 регионыннан 2500 команда катнаша. Ярышлар 22 дисциплина буенча узды. Аларда Россиянең 47 регионыннан, шулай ук Румыниядән 600 команда составында 2600 укучы һәм студент катнашты.
Түбән Кама шәһәренең И.Х.Садыйкова исемендәге Балалар һәм яшьләр иҗаты сарае 2013 елдан алып әлеге Программаның партнеры булып тора. Бу вакыт эчендә Сарай укучылары һәм укытучылары Программаның 4 иң мөһим чараларында катнашты. Шул рәвешле, 2013 елның ноябрь аенда биредә тәрбияләнүчеләр Мәскәү шәһәрендә узган Федераль уку-тренировка җыелышында катнашты. Аның кысаларында ярышлар оештырылды. “Кегльринг” һәм “Траектория” номинацияләрендә учреждение командасы беренчелекне яулады.
Укытучылары Салихҗанов Радик Наил улы “Робот техникасы: инновацион Россиянең инженер-техник кадрлары” Программасының стажер Инструкторы дип аталган квалификациясен алды һәм “Hello, Robot!”дип аталган казый исемен яклады. Аның кул астында тәрбияләнүче, 24нче номерлы лицей-интернатның 9нчы сыйныфында укучы Мельников Дмитрий Вячеслав улы казый исемен яклады.
Шул сәбәпле, Түбән Кама шәһәренең И.Х.Садыйкова исемендәге Балалар һәм яшьләр иҗаты сарае вәкилләре “Робофест-2014”кә казыйлык итәргә чакырылган иде, биредә алар “Атлый торган роботлар” дип аталган яңа номинацияне бәяләде. Ә И.Х.Садыйкова исемендәге Балалар һәм яшьләр иҗаты сараеның яшь командасы “Биатлон” номинацияcендә катнашты. Быелга яшь команда призлы урын алмаса да, робот техникасы белән алга таба шөгыльләнү өчен зур тәҗрибә туплады. Мельников Дмитрий ярышларның иң яшь казые булды.