Хәйрия кичәсе

2014 нче елның 19 нчы мартында Татарстан Республикасы Мәгарифне үстерү институты хезмәткәрләре көче белән Саба муниципаль районы “Югары Утар акыл ягыннан зәгыйф балалар йорты”нда хәйрия кичәсе уздырылды.
Балалар йортында 82 бала тәрбияләнә, шуларның 34 – урын өстендә ятучылар, ә 16 – укучы балалар.
Кечкенә тамашачыларга Казан дәүләт мәдәният һәм сәнгать университеты студентлары һәм менеджмент икътисады һәм туристлык факультеты тарафыннан әзерләнгән күңел ачу программасы тәкъдим ителде. Программа нигезендә балаларга төрле концерт номерлары, шарлардан һәм сабын куыкларыннан шоу тәкъдим ителде. Студентлар белән балалар бергә шарлардан хайваннар ясадылар.
Мәгарифне үстерү институты хезмәткәрләре үзләре белән балаларга бүләкләр (канцелярия кирәк-яраклары, рәсем ясау һәм кул эшләре өчен кирәкле җиһазлар) һәм төрле тәм-томнар алып килгән иделәр. Шулай ук Мәгарифне үстерү институты тарафыннан балалар йортына матди ярдәм дә күрсәтелде.
Яшь тамашачылар исә, үзләренә яз кәефе бүләк иткән матур бәйрәм оештырган һәм бүләкләр тапшырган Институт хезмәткәрләренә чын күңелләреннән рәхмәт әйттеләр.