Агропромышленность комплекслары өчен кадрлар әзерләү буенча актуаль мәсьәләләр турында Кукмара районында фикер алыштылар

2014 елның 20 мартында Кукмара аграр көллияте базасында Татарстан Республикасы авыл хуҗалыгы өчен эшче кадрлар әзерләү мәсьәләләре буенча Татарстан Республикасы Премьер-министры урынбасары-мәгариф һәм фән министры Энгель Фәттахов, Кукмара муниципаль районы администрациясе башлыгы Рауил Рәхмәтуллин, Кукмара аграр көллияте директоры Азат Гатин, Татарстан Республикасы Авыл хуҗалыгы һәм азык-төлек министрлыгының Фән, мәгариф һәм инновацион технологияләр бүлеге җитәкчесе Наил Хәмидуллин, Казан дәүләт аграр университетының укыту эшләре буенча проректоры Булат Җиһаншин һ.б. катнашында җыелыш булды.
Җыелыш дәвамында катнашучылар көллиятнең материаль-техник базасын, шулай ук машина-трактор паркын һәм Вахитов исемендәге авыл хуҗалыгы җитештерү кооперативының төзелеп килүче җитештерү биналарын карап чыкты.