Киләсе елдан чыгарылыш сыйныф укучыларына БДИны сайлап алу мөмкинлеге бирелә

Киләсе елдан БДИның катлаулылык дәрәҗәсен үзеңә сайлап алу мөмкинлеге булачак. Россия Мәгариф һәм фән министрлыгы инде бу елдан ук чыгарылыш сыйныф укучыларына әлеге хокуктан файдаланырга мөмкинлек бирә.
Әлеге яңалык барлык фәннәргә дә кагыйлмый, әмма математика, рус теле һәм әдәбиятның әлеге исемлеккә керүе бәхәссез. Профильле предметлар буенча БДИ ике төрдә үтәчәк: нигез вариантта һәм катлаулылык ягыннан югарырак төрдә. Гуманитар уку йортларына керергә җыенучы укучылар агымдагы елда сынау нигезендә рус теле һәм әдәбият буенча катлаулы БДИны тапшырып карый алачак, ә техник вузны сайлаганнар өчен математикадан катлаулы төрне сайлау мөмкинлеге бар.
Профильле имтиханнарны ике төрдә тапшыру турындагы мәгълүматны РФ Хөкүмәтенең вице-премьеры Ольга Голодец Мәгариф һәм фән минстрлыгының утырышында җиткерде.
Вице-премьер сүзләренә караганда, бердәм дәүләт имтиханының нигез һәм катлаулы вариантын сайлау мөмкинлеге укучыларга вузларга кергәндә үз вакытларын рациональ итеп кулланырга мөмкинлек тудырачак.
Бу югары мәктәптә белем алучы укучыларның мотивациясен көчәйтәчәк.