Совет районының күпфункцияле үзәгендә сабыйларны балалар бакчасына яздырырга була

Совет районының мәгариф бүлеге гражданнарны күпфункцияле үзәктә кабул итә башлады. Баланы чиратка бастыру, документларны раслау яисә балалар бакчасын алмаштыру эшләрен Совет районының мәгариф бүлегендә генә түгел, Җиңү проспекты буенча 100 йортта урнашкан күпфункцияле үзәктә дә эшләргә була.
Моның өчен баланың тууы турындагы таныклыгының төп нөсхәсен, гаризаны, мөрәҗәгать итүче паспортының төп нөсхәсен һәм ташламаларга хокуклы булуны раслаган документларны (күчермәсе һәм төп нөсхәсе) алып, 16-нчы тәрәзәгә мөрәҗәгать итәргә кирәк.
Кабул итү тәртибе: дүшәмбедән алып җомгага кадәр, иртәнге 9-дан алып кичке 5-кә кадәр (төшке аш вакыты – 12.00-13.00 сәгатьтә), дип хәбәр итә район администрациясенең матбугат хезмәте.
Исегезгә төшерәбез, күпфункцияле үзәктә Совет районында яшәүчеләр җир биләмәләрен рәсмиләштерү, төзелешкә рөхсәт алу, үзгәртеп кору һәм яңадан планлаштыруга, торак бинаны торак булмаганга күчерү мәсьәләләрендә мөрәҗәгать итә алалар.
Үзәккә шулай ук Татарстан Республикасында социаль ипотека программасы буенча тоарк шартларын яхшырту өчен учетка бастыру өчен документларны тапшыру мәсьәләсендә дә мөрәҗәгать итәргә була.
Моннан тыш, Кадастр палатасы, Росреестр, Федераль миграция хезмәте, Федераль салым хезмәте, Пенсион фонд һәм ГХАТ органнары тарафыннан күрсәтелә торган дәүләт хезмәтләреннән дә файдаланырга мөмкин.