Энгель Фәттахов: Федераль конкурсларда һәм грантларда активрак катнашырга кирәк

12 майда, Татарстан Респубикасы Премьер-министры урынбасары – мәгариф һәм фән министры Энгель Фәттахов катнашында, видеоконференция режимында узган республика киңәшмәсендә федераль конкурслар һәм грантлар кысаларында муниципаль берәмлекләр тарафыннан инвестицияләр җәлеп итү мәсьәләләре хакында фикер алыштылар.
Татарстан Республикасы мәгариф һәм фән министры урынбасары Лилия Сидорова үз чыгышында әйтеп киткән мәгълүматлар буенча 2013 елда муниципаль берәмлекләр 85 федераль конкурста (аларның 46сы укытучылар өчен һәм 66сы мәктәп укучылары өчен булган) катнашкан. 2013 елда җәлеп ителгән чыгымнарның гомуми күләме 2363 250 сум тәшкил итә.
Конкурсларда иң актив катнашучылар - Әгерҗе, Актаныш, Арча, Баулы, Бөгелмә, Югары Ослан, Биектау, Яшел Үзән, Кама Тамагы, Мөслим, Түбән Кама, Нурлат, Тәтеш районнары һәм Казан шәһәре.
“Россия гимназия союзы” Бөтенроссия проектында катнашып Татарстан Республикасына 1 млн. сум җәлеп иткән Бөгелмә районын билгеләп үтәргә кирәк”, - дип ассызыклады Л.Сидорова.
2014 елга килгәндә, Татарстан укытучылары һәм мәктәп укучылары 16 федераль конкурста катнашкан һәм 355 100 сум күләмендә грантлар җәлеп иткән.
Татарстан Респубикасы Премьер-министры урынбасары – мәгариф һәм фән министры Энгель Фәттахов берәмлек идарәләре оешмалары җитәкчеләренә эшчәнлекләрен әлеге юнәлештә дәвам итәргә һәм федераль конкурслар һәм грантларда тагын да активрак катнашырга киңәш итте. “Бу мәктәпләребезнең матди-техник базасын яхшырту һәм балаларда укуга һәм иҗатка кызыксынуны арттыру өчен мөмкинлек”, - дип ассызыклады ул.