Югары Тегермәнлек мәктәбендә "Һәркемгә уңайлы мохит" программасы төгәлләнеп килә

“Һәркемгә уңайлы мохит” (“Доступная среда”) республика программасы буенча, Балык Бистәсе районының Югары Тегермәнлек авылы мәктәбендә планлаштырылган эшләр тәмамланып килә.
Программа кысаларында, мәктәпнең ишекләре, баскычлары яңартылды, пандуслар куелды. Моннан тыш та биредә яңарту эшләре берничә юнәлештә барды. Мәктәпнең элеккеге укучысы Фәрхулла Заһидуллин химаячелегендә берничә бүлмә төзекләндерелде. Аннан мәктәп дирекциясе музейны олы бүлмәгә күчерү, аңа яңа җиһазлар алу мөмкинлеген тапты.