Муса Җәлил исемендәге III республика фәнни-гамәли конференциясе

2015 нче елның 17 нче февралендә Балтач районы Карадуган урта мәктәбендә Бөек Ватан сугышында җиңүнең 70 еллыгына багышланган Муса Җәлил исемендәге III республика фәнни-гамәли конференциясе үткәрелде.
Конференциянең читтән торып үткәрелгән турында гомуми белем оешмаларының 8-11 нче сыйныфларыннан 179 иҗади эш кабул ителде. Конференциянең 2 нче турына уңышлы дип табылган түбәндәге районнарда 54 эш авторлары чакырылды: Балтач, Арча, Кама Тамагы, Биектау, Зәй, Апас, Алексеевск, Кайбыч, Саба, Бөгелмә, Теләче, Ютазы, Кукмара, Спас районнарыннан, Казан, Яр Чаллы шәһәрләреннән. Конференция эшендә 121 кеше (54 укучы, 54 укытучы,13 кунак) катнашты.
Конференция 5 секциягә бүленеп алып барылды. Укучыларның чыгышлары Мәгариф һәм фән министрылыгы вәкилләре, Казан федераль университетының Филология һәм мәдәниятара багланышлар институты, Г. Ибраһимов исемендәге Тел, әдәбият һәм тарих институты галимнәре, язучылар, конференцияне оештыручылар тарафыннан бәяләнде.
Муса Җәлил исемендәге III республика фәнни-гамәли конференциясе җинүчеләре дип түбәндәге муниципаль районнардан укучылар билгеләнде:
Арча муниципаль районы “Иске Чүриле урта гомуми белем бирү мәктәбе”, Балтач муниципаль районы “Куныр урта гомуми белем бирү мәктәбе”, Кукмара муниципаль районы “Ч.Т.Айтматов исемендәге 1 нче гимназия”, Балтач муниципаль районы “Шубан төп гомуми белем бирү мәктәбе”, Бөгелмә муниципаль районы “2 нче Карабаш урта гомуми белем бирү мәктәбе” укучылары.