Татарстанда «Ел укытучысы-2015» республикакүләм конкурсының зона этаплары дәвам итә

2015 елның 10-11 мартында Байлар Сабасы гимназиясендә “Ел укытучысы-2015” республикакүләм конкурсының зона этабы узды. Чарада Саба, Мамадыш, Питрәч, Алабуга районнары вәкилләре катнашты. Иң яхшы укытучы исеменә муниципаль этапларда җиңүчеләр һәм призерлар - 24 мөгалллим дәгъва кылды. Укытучылар ачык дәресләр күрсәтте. Һәр дәрес үзенчәлекле методик алым белән баетылган иде.
Исегезгә төшерәбез, конкурста кимендә 5 ел өзлексез рәвештә мәктәптә эшләгән укытучылар катнаша. Иң элек иң яхшыларны мәктәпләрдә билгеләделәр. 16-28 февральдә район этаплары үтәчәк. Анда җиңгән мөгаллимнәр 5-28 мартта зона этабында көч сынаша. Бәйгенең соңгы туры 13-17 апрельдә Казанда узачак. “ТР Ел укытучысы – 2015” конкурсының шигаре рәвешендә заманча мәгарифнең төп бурычларыннан берсе саналган, укытучының туктаусыз һәнәри һәм шәхси үсеше, иң яхшы педагогик практика үрнәкләрен тарату һәм инновацион фикерләрне һәм казанышларны алга сөрү бурычы сайланган – “Укытырга һәм укырга!”
Конкурс ТР Мәгариф һәм фән министрлыгы, Халык мәгарифе һәм фән хезмәткәрләре профсоюзының республика комитеты тарафыннан уздырыла.
Моннан тыш, 2014 елда конкурсны үткәргәндә беренче тапкыр Россиянең иң яхшы укытучысы исемен Татарстан данын яклап катнашкан Алла Головенькина яулады. Ул Нурлаттагы 1нче урта мәктәпнең биология укытучысы. Моңа кадәр Алла Головенькина республиканың “Ел укытучысы – 2014” бәйгесендә җиңеп чыккан иде. “Россия ел укытучысы” конкурсында каралганча, быелгы бәйге җиңүченең туган ягында, ягъни Казанда үткәреләчәк.