Мәгарифне үстерү институтында муниципаль районнардагы мәгариф идарәләре башлыклары өчен семинар узды

2015 елның 25 мартында Казанда Татарстан Республикасы Мәгарифне үстерү институты базасында муниципаль районнардагы мәгариф бүлекләре һәм идарәләре башлыклары өчен семинар узды. Семинарда катнашучылар белән Татарстан Республикасы Премьер-министры урынбасары - мәгариф һәм фән министры Энгель Фәттахов очрашты. Министр үз чыгышында гомуми белем бирү системасы үсеше һәм аның сыйфатын арттыру мәсьәләләренә аерым басым ясады. Яр Чаллы шәһәрендә белем бирү сыйфатын арттыруда нинди алымнар кулланылуы хакында Яр Чаллы шәһәренең мәгариф һәм яшьләр эшләре идарәсе башлыгы Рамил Хәлимов сөйләде.
Татарстан Республикасы муниципаль районнары мәгариф идарәләре башлыклары өчен оештырылган семинар 27 мартка кадәр дәвам итәчәк. Семинар программасында белем бирү системалары белән идарә итүнең инновацион ысулларын куллану мәсьәләләре буенча интерактив лекцияләр һәм гамәли дәресләр каралган. Семинарда катнашучылар “Мунипаль дәрәҗәдә мәгариф белән идарә итүнең актуаль мәсьәләләре” дип аталган түгәрәк өстәлдә катнашачак, “2020 идеяләре. Киләчәк дөньясына сәяхәт” күргәзмәсе белән танышачак.