“Мөстәкыйль” укытучы булыр идем!

Агымдагы елның 25-27нче мартында Казан шәһәренең аерым фәннәрне тирәнтен өйрәнүче 120нче номерлы урта гомуми белем бирү мәктәбендә “Белем бирү тирәлегендә психоактив матдәләргә булган бәйлелеккә беренчел профилактика нигезләре” дип аталган республикакүләм семинар-практикум узды. Биредә “Мөстәкыйль балалар” (“SaMoSтоятельные дети”) республикакүләм антинаркотик проектында бер елдан ким эшләмәгән 34 берләшмә җитәкчеләре җыелды.
Семинар ТР Мәгариф һәм фән министрлыгы тарафыннан Россиянең наркотиклар әйләнешен контрольдә тоту федераль хезмәтенең Татарстан Республикасы буенча идарәсе ярдәме белән оештырды. Семинар-практикум кысаларында интерактив дәресләр, мастер-класслар, лекцияләр үткәрелде.