Республикакүләм “Педагог-мастер” мастер-класслар буенча өстәмә авторлык программалары конкурсы

2015 нче елның 27 апреленнән 1 нче июленә кадәр републикакүләм “Педагог-мастер” мастер-класслар буенча өстәмә авторлык программалары конкурсы үткәрелә.
Әлеге конкурсның максаты - мәгарифне үстерүнең актуаль мәсьәләләре буенча төзелгән, аларны нәтиҗәле, инновацион хәл итүгә юнәлдерелгән өстәмә авторлык программалары авторлары - иҗади эшләүче укытучыларны һәм тәрбиячеләрне ачыклау һәм сайлап алу.
Конкурсның бурычлары:
– Татарстан Республикасында инновацион тәҗрибә туплаган, аны башкаларга тапшыра алу сәләтенә ия булган укытучыларның һәм тәрбиячеләрнең заман таләпләренә җавап бирүче, “Педагог-мастер” референт төркемнәрен формалаштыру;
– иң яхшы авторлык практикасы ия педагогларның һәм иҗат лабораторияләренең республика банкын формалаштыру;
– нәтиҗәле педагогик тәҗрибәне тарату;
– педагогларның профессиональ үсешен стимуллаштыру;
– мәгариф хезмәткәрләренең квалификациясен үстерүдә практик юнәлешне көчәйтү;
– педагогларның профессиональ үсеше торышы һәм андагы тенденцияләргә мониторинг үткәрү.
Конкурста Татарстан Республикасының дәүләт һәм муниципаль мәктәпкәчә белем бирү, гомум белем бирү оешмалары хезмәткәрләре (укытучылары һәм тәрбиячеләре) катнаша ала.

Конкурс ике этаптан тора:
Беренче этап, читтән торып, 2015 елның 15 июненә кадәр үткәрелә. Бу этапта оештыру комитетына катнашучылар үзләренең документларын җибәрәләр, бу документлар өйрәнелә, эксперт бәяләмәсе ала.
Икенче этап, турыдан-туры катнашу формасында, 2015 елның 1 июленә кадәр үткәрелә. Бу этапта конкурсантлар үзләре тәкъдим итә торган мастер-класс өстәмә авторлык программаларын яклый, конкурска нәтиҗәләр ясала.
Конкурста катнашу өчен документлар түбәндәге адрес буенча кабул ителә: 420015, г. Казань, ул. Б. Красная, 68, ГАОУ ДПО «Институт развития образования Республики Татарстан».