Борынгы Болгар шәһәре һәм Зөя утрау-шәһәрчегенә багышланган республикакүләм рәсем конкурсы дәвам итә

Татарстанда Борынгы Болгар шәһәре һәм Зөя утрау-шәһәрчегенә багышланган республикакүләм рәсем конкурсы дәвам итә. Әлеге бәйге “ТР Тарихи һәйкәлләрне һәм мәдәниятне торгызу республика фонды” коммерцияле булмаган оешманың 5 еллыгы кысаларында үткәрелә. 2015 елның 20 гыйнварында башланып киткән бәйгедә республика мәктәпләрендә укучы, балаларга өстәмә белем бирү оешмаларында, шулай ук балалар сәнгать мәктәпләрендә шөгыльләнүче өч йөздән артык укучы һәм урта һөнәри белем бирү оешмаларыннан 28 студент катнашты.
Исегезгә төшерәбез, конкурс ике номинация буенча үткәрелә: “Болгар шәһәренең тарихи-архитектура комплексы” һәм “Зөя утрау-шәһәрчегенең мәдәни-табигый ландшафты”. Әлеге конкурс ике этапта уза. I этап – муниципаль (2015 елның 2-20 апрелендә узды). II этап – республикакүләм, 20 апрельдән 15 майга кадәр дәвам итә. Республикакүләм этапка Татарстан Республикасының һәр районыннан һәр номинация буенча бер эш тәкъдим ителә. Йомгаклау һәм җиңүчеләрне бүләкләү тантанасы 1 июнь – Халыкара балаларны яклау көненә планлаштырылган.