XII Кирилл һәм Мефодий укулары

2015 нче елның 20 маенда Казан шәһәре Совет районы 93нче гимназия һәм Татарстан халыклары Дуслыгы Йорты базасында XII Кирилл һәм Мефодий исемендәге укулар булып үтте. Бу чара Славян язуы һәм мәдәнияте көненә, Әдәбият елына, Бөек җиңүнең 70 еллыгына багышланган иде.
Читтән торып катнашу турында Казан шәһәреннән һәм Татарстан Республикасының 31 муниципаль районыннан 500гә якын мәктәп укучысыннан заявка килде.
20 майда башкалабызның һәм республикабызның Түбән Кама, Чистай, Бөгелмә, Яр Чаллы шәһәрләреннән, Яшел үзән, Югары Ослан, Биек Тау, Кукмара, Актаныш, Балтач, Алексеевск, Тәтеш, Буа, Кама Тамагы, Апас һәм башка районнарның гомуми белем бирү оешмаларыннан 275 укучысы Кирилл һәм Мефодий укуларының 11 секциясендә үзләренең фәнни-эзләнү һәм иҗади эшләре белән чагыш ясадылар.
XII Кирилл һәм Мефодий исемендәге укуларның тантаналы ябылышы, катнашучыларны котлау, дипломнарны тапшыру һәм бүләкләү Татарстан халыклары Дуслыгы Йортында булып узды. Укуларда катнашучыларны Татарстан Республикасының Президенты Аппараты, Дәүләт Советы, белем һәм фән министрлыгы, югары уку йотлары вәкилләре сәламләде һәм котладылар.