Ятим һәм ата-ана тәрбиясеннән мәхрүм калган балалар йорты һәм интернат-мәктәп директорлары катнашында киңәшмә

2015 елның 20 маенда Мәгариф һәм фән министрлыгында республика күләмендә ятим һәм ата-ана тәрбиясеннән мәхрүм калган балалар йорты һәм интернат-мәктәп директорлары катнашында киңәшмә узды.
2015 елның 1 нче маена республикада 10 балалар йорты, 2 интернат-мәктәп эшли, анда 300 гә якын бала тәрбияләнә.
2014 елда Россия Федерациясе хөкүмәте рәисе урынбасары О.Ю.Голодец тарафыннан балалар йортында тәрбияләнүче балаларның санын кыскату максаты куелган иде. Башкарылган эшләр нәтиҗәсенда республикабызда 2 балалар йорты ябылды. 2015 елның 12 гыйнварында ябылган балалар йортларында ятим балаларны гаиләгә урнаштыру үзәкләре ачылды. Ел саен бу үзәкләр балаларны гаиләгә урнаштыру буенча 700 дән артык кешегә ярдәм күрсәтә.
Киңәшмәдә Татарстанның бушлай юридик консультация бирү үзәгенең опекуннарга, гаиләгә бала алучы кешеләргә ярдәм күрсәтүе турында карар кабул ителде. Үзәкнең югары белгечле юристлары белән ел буе тәрбиягә бала алучы гаиләләр һәм балалар йортыннан китүче ятим балалар белән очрашулар, түгәрәк өстәл, семинарлар уздырачак.