Габдулла Тукай исемендәге Арча педагогика көллиятендә Әлифба бәйрәме узды

Татарстан Республикасы мәгариф һәм фән министрлыгы планы нигезендә Милли кадрлар әзерләү үзәге булган Габдулла Тукай исемендәге Арча педагогика көллиятендә Әлифба бәйрәме узды.

Әлеге чара «Әлифба» китабы авторлары С.Г. Вәгыйзов һәм Р.Г.Вәлитованың исемнәрен мәңгеләштерү, әлифбалар әзерләү тәҗрибәсен өйрәнү, туган телгә хөрмәт тәрбияләү максатыннан үткәрелде.

Чара кысаларында Әлифбага һәйкәл ачылды, белем алуда югары күрсәткечләргә ирешкән студентларга Бөтендөнья татар конгрессы Башкарма комитеты рәисе Р.З. Закировның махсус стипендиясе тапшырылды, «Китап – белем чишмәсе» республика конкурсы җиңүчеләре бүләкләнде.

Бәйрәмдә Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе Р.И. Вәлиев, Татарстан Республикасы мәгариф һәм фән министры урынбасары - Татарстан Республикасы Мәгариф һәм фән министрлыгының мәгариф өлкәсендә күзәтчелек һәм контроль департаменты җитәкчесе Г.З. Габдрахманова, студентларга Бөтендөнья татар конгрессы Башкарма комитеты рәисе урынбасары Д.Ф. Шакиров, Самара өлкәсеннән вәкилләр, язучылар, журналистлар, галимнәр, укытучылар катнашты.