Татарстаннан алты педагог “Мәктәп директоры-2015” Бөтенроссия конкурсы финалына үтте

Бүген “Мәктәп директоры-2015” Бөтенроссия конкурсының читтән торып үткәрелгән турының икенче этабына узган 80 катнашучының исемлеге билгеле булды. Татарстан катнашучылар саны буенча лидерлар рәтендә.
“Мәктәп директоры-2015” конкурсының икенче этабында Казан шәһәренең аерым фәннәрне тирәнтен өйрәтүче 24нче урта гомуми белем бирү мәктәбе директоры Васильева Алла Николаевна һәм Казан шәһәренең 19нчы гимназиясе директоры Гафиятуллин Нияз Мансурович, Алабуга районының Яковлев урта гомуми белем бирү мәктәбе директоры Козырева Ольга Владимировна, Әлмәт шәһәренең Татарстан нефтенең 70 еллыгы исемендәге 25нче урта гомуми белем бирү мәктәбе директоры Рамазанов Марат Ренатович, Баулы районыннан – 6нчы урта гомуми белем бирү мәктәбе директоры Малахова Татьяна Александровна һәм Поповка урта гомуми белем бирү мәктәбе директоры Огородникова Рима Халяфовна катнашачак.
Хәзер икенче этапка узган 80 лидерга өстәмә биремнәрне узырга туры киләчәк. Аларга директорлык һөнәрендә бүгенге көндә нәрсә борчый, нәрсә ошый һәм нәрсә күңелләрен төшерүе хакында кыска гына видеоязма әзерләргә кирәк булачак.
Читтән торып үткәрелгән барлык этапларның да соңгы нәтиҗәләре 1 октябрьдә билгеле булачак.