Дуслык купере: Казан-Берлин

2015 нче елның 19 июнендә Берлинда, “Сабантуй – дуслык күпере” лозунгы астында үткәрелгән “Европа сабатуе 2015” кысалары эчендә, Татарстан Республикасының Мәгарифне үстерү институтының фәнни хезмәткәрләре Р.Р. Нигъматуллина, А.Х. Мөхәмәтҗанова тарафыннан татар теленә өйрәтү буенча мастер-класс уздырылды. Мастер-классның эшчәнлегендә Германия һәм башка Европа илләренең өстәмә белем бирү үзәкләренең белгечләре һәм үз балаларына туган телне һәм мәдәниятне өйрәтергә теләгән ата-аналар катнашты. Р.Р. Нигъматуллина үз чыгышында читтә яшәгән мәктәпкәчә балаларга туган телне өйрәтү принциплары турында сөйләде һәм белем бирү өлкәсендәге яңа казанышлар белән таныштырды.
Мастер-класс тәмәмлангач, Европа сабантуен оештыручылар һәм ICATAT (Магдебург-Берлин) институтының фәнни хезмәткәрләре актуаль, теоретик һәм методик яктан тикшерелгән, гамәли эшчәнлеккә юнәлтелгән мастер-классны оештырган өчен Татарстан Республикасының Мәгарифне үстерү институтының фәнни хезмәткәрләренә рәхмәтләрен ирештерделәр.