Энгель Фәттахов: «Без JuniorSkills» чемпионатын игътибар үзәгендә тотачакбыз”
Тататрстан Республикасы Мәгариф һәм фән министрлыгында министр Энгель Фәттахов JuniorSkills илкүләм чемпионатында катнашучылар белән очрашты. Очрашу кысаларында бүләкләү тантанасы булды.
Исегезгә төшерәбез, III Илкүләм JuniorSkills чемпионаты 15-19 май көннәрендә Краснодарда үткәрелгән V Илкүләм “Яшь профессионаллар” (WorldSkills Russia) чемпионаты финалы кысаларында уздырылды.
Ярышлар 19 юнәлеш буенча оештырылды. Чемпионатта Россиянең 36 төбәгеннән - 148 команда һәм аларның 197 остазы, экспертлар, шулай ук Белоруссия, Швейцария, Нидерландтан юниорлар катнашты.
Мәктәп укучылары яшь буенча ике – 10-13 һәм 14-17 яшьлекләр төркемнәрендә көч сынашты. Татарстан данын 14 командада 29 укучы яклады.
Чемпионат нәтиҗәләре буенча Татарстан, 13 юнәлештә призлы урыннарга ия булып, бер командага бүлеп исәпләгән баллар буенча – 1 нче урынны, гомуми зачетта 2 нче урынны алды.