ЯҢАЛЫКЛАР
Бөгелмәдә дәүләт йомгаклау аттестациясенә йомгак ясалды. Быел 15 гомуми белем бирү учреждениесеннән 374 укучы белем йортын тәмамлаган. Шуларның 83 чыгарылыш сыйныф укучысы республика һәм федераль дәрәҗәләрдәге уңышлары өчен медальләргә лаек булган.
Татарстан югары уку йортларына быел бакалавриат, специалитет һәм магистратура программалары буенча укытуның бюджет формасына кабул итү өчен 23,1 меңнән артык урын бүлеп бирелгән. Шул исәптән 413 урынны дәүләтнеке булмаган югары уку йортлары алган. Бу хакта ТР мәгариф һәм фән министры Илсур Һадиуллин ТР Хөкүмәт Йортында узган брифингта хәбәр итте.
Чаллы хакимияте бинасында БДИда 100 балл җыйган чыгарылыш сыйныф укучылары, аларның укытучылары һәм мәктәп директорларының шәһәр мэры Наил Мәһдиев белән очрашуы узды. Бу традицион чара чыгарылыш укучыларының гына түгел, ә югары нәтиҗәләргә ирешергә ярдәм иткән педагогларның да хезмәтләрен бәяләү.
2024/2025 уку елында «Туган (татар) тел» һәм «Туган (татар) әдәбияты» фәннәре буенча бердәм республика имтиханын 32 укучы тапшырды. Шуларның берсе татар әдәбиятын сайлаган.
Якын араларда тарих буенча бердәм дәүләт имтиханы гуманитар һәм социаль-икътисадый юнәлешләргә керүчеләр өчен мәҗбүри булмаячак. Бу хакта РФ фән һәм югары белем министры урынбасары Дмитрий Афанасьев Федерация Советының фән, мәгариф һәм мәдәният комитеты утырышы барышында хәбәр итте.
2025 елның 5 июненнән 25 июненә кадәр Краснодар краеның Анапа шәһәрендә «Глобус» балаларны савыктыру лагере базасында нәфис юнәлешле республика конкурсларында җиңүчеләр һәм призёрлар арасында «Без бергэ» профильле сменасы узды.
Мәгарифне үстерү стратегиясен эшләү буенча стратсессиядә Россия Федерациясе Хөкүмәте Рәисе Михаил Мишустин кушуы буенча мәгариф системасының 50 меңгә якын күрсәткече бәяләнде. Шулардан 969 сайлап алынган, алар буенча РФ Хөкүмәтенең Координация үзәге, шулай ук барлык федераль министрлыклар һәм ведомстволар тармакның торышына мониторинг һәм бәя бирәчәк.
2024 ел белән чагыштырганда, 2025 елда Татарстанда профильле математика буенча БДИ тапшырган чыгарылыш сыйныф укучылары саны 1317 кешегә, физикадан - 400 кешегә, химия буенча - 218 кеше, биология буенча - 111 кешегә арткан.
"Эшчәнлекнең аерым төрләрен лицензияләү турында" 2011 елның 04 маендагы 99-ФЗ номерлы Федераль закон нигезендә Рособрнадзор "Санкт-Петербург тышкы икътисади элемтәләр, икътисад һәм хокук институты"ның белем бирү эшчәнлеген гамәлгә ашыруга лицензия гамәлен туктатты.
1 июльдә Г.Камал исемендәге Татар дәүләт Академия театрының яңа бинасында «Туган (татар) тел» һәм «Туган (татар) телдәге әдәбият» фәннәреннән бердәм республика имтиханын тапшырган укучылар һәм аларның укытучылары белән очрашу уздырылачак.