ЯҢАЛЫКЛАР
Тугызынчы ел Казанда мәктәпкәчә гаилә төркемнәрен оештыру тәҗрибәсе гамәлгә кертелә. Әйтик, бала карау буенча ялда булган хатын-кыз гаилә бакчасында үз балаларын гына түгел, башка гаилә балаларын да тәрбияли. Казан мәгариф идарәсенең мәктәпкәчә белем бирү учреждениеләре белән эшләү бүлеге башлыгы Татьяна Багаева гадәти булмаган белем бирү формасы һәм гаилә төркемнәрен кем булдыра алуы турында сөйләде.
ТР Дәүләт Киңәшчесе Минтимер Шәймиев Алабугада мәктәп укытучыларының Х Халыкара фестивале ачылышында катнашачак.
Россия Федерациясе Фән һәм югары белем министрлыгы экспертлар җәмәгатьчелегеннән вузларда бюджет урыннарын бүлүнең яңа моделен әзерләгәндә алынган тәкъдимнәрне исәпкә алачак. Аны 2021 елда гамәлгә кертү планлаштырыла, ә 2025 елда югары уку йортлары бу системага тулысынча күчәчәк.
Казан радиомеханика көллияте пенсия яшенә җитмәгән гражданнарны WorldSkills Russia халыкара стандартлары буенча укыта.
«Демография» милли проектының «өлкән буын» региональ проекты кысаларында Казан радиомеханика көллияте WorldSkills Russia халыкара стандартлары буенча һөнәри белем һәм өстәмә һөнәри белем бирү буенча махсус программаны тормышка ашыра. Укулар тыңлаучылар өчен бушлай.
Новосибирск өлкәсенең Бердск шәһәре “Юбилейный" балалар лагеренда яшь геологларның XII Бөтенроссия кыр олимпиадасын ачу тантанасы булып узды, анда Татарстаннан КФУ IT-лицееның «Ферсман» һәм “Геобарс" командалары катнаша.
Күптән көтелгән яңалык - студентлар янә дәүләттән белем алу өчен кредит ала алачак. Россия Мәгариф министрлыгы һәм Сбербанк белем бирү кредитына дәүләт ярдәме турында килешүгә кул куйды.
«ІВолга2.0» Идел буе федераль округының яшьләр форумы нәтиҗәләре буенча Казан федераль университеты магистранты 300 мең сумлык грантка ия булды. Грант ярдәмендә «Уңайлы ноталар» проекты кысаларында сукырлар һәм күзләре начар күрүче, музыка буенча белем алучы кешеләр өчен уку-укыту материалы булдырылачак.
Казан федераль университетының Алабуга институты Х Халыкара мәктәп укытучылары фестиваленең мәдәни-күңел ачу программасын оештыра.
Россия Хөкүмәте һәм Венгрия Хөкүмәте мәгарифне, квалификацияне һәм галимнәрне үзара тану турында килешүгә кул куйдылар. Әлеге документ чәршәмбе көнне Россия Мәгариф министрлыгы сайтында урнаштырылган.
Россия вузларына кабул итү кампаниясе иң югары ноктасына җитте. Исегезгә төшерәбез, кабул итү кагыйдәләре буенча, һәрбер белгечлеккә биш югары уку йортына керү өчен документлар тапшырырга мөмкин иде. Димәк, бер фамилия, асылда, 15 төрле абитуриентлар исемлегендә пәйда булырга мөмкин. Кабул итү комиссияләре ябылганчы көн дәвамында бүген (кагыйдә буларак, алар эшли кадәр 18.00) аттестатларның оригиналын китерергә була.