ЯҢАЛЫКЛАР

Кичә Казанның 121нче лицее актлар залында Советлар Союзы Герое Сабир Әхтәмовның (1926-2014) туган көненә багышланган тантаналы чара уздырылды. Анда ТР Дәүләт Советының законлылык һәм хокук тәртибе буенча комитеты рәисе Рафил Нугуманов, ТР буенча эчке эшләр министры урынбасары, эчке хезмәт генерал-майоры Дамир Динниулов, ТР Милли музее карамагындагы “Витязь” хәрби-тарихи клубы җитәкчесе Вячеслав Хабаров, Сабир Әхтәмовның кызы Әлзия Кантимерова, лицей директоры Венера Хәйретдинова, укучылар катнашты.

17-19 июнь көннәрендә Яр Чаллы шәһәреннең 35нче мәктәбе базасында “ГТО” - Бөтенроссия физкультура-спорт комплексы фестиваленең региональ этап финалы узачак.

Татарстанда “Үз мәктәбеңә ярдәм ит!” акциясе башланды. Беренче тапкыр ул, ТР лидеры Рөстәм Миңнеханов башлангычы белән, 2013 елда үткәрелде. Акция ТР Мәгариф һәм фән министрлыгы тарафыннан, ТР Төзелеш, архитектура һәм торак-коммуналь хуҗалык министрлыгы һәм “Татмедиа” Республика матбугат һәм массакүләм коммуникацияләр агентлыгы белән берлектә, оештырыла. Чара 1 сентябрьгә кадәр дәвам итәчәк. Аның төп максаты – эшмәкәрләрне, бизнес вәкилләрен, предприятие һәм оешма җитәкчеләрен, үзләре белем алган уку йортына хәленнән килгәнчә ярдәм кулы сузуга җәлеп итү.

Татарстан командасы 8-10 июнь көннәрендә Иннополис шәһәрендә уздырылган Бөтенроссия робот техникасы олимпиадасы категорияләренең берсендә җиңү яулады.

2015 елның 16нчы июнендә Татарстан Республикасы Мәгариф һәм фән министрлыгында эшче төркем утырышында торак-коммунал хезмәткәрләре алдында ата-ана тәрбиясеннән мәхрүм ителгән балаларның финанс бурычлары буенча тәкъдимнәрен карадылар. Утырыш видеоконференциясе режимында узды.

Балтач аэроклубы базасында түгәрәккә йөгән укучылар параплан белән күккә кутәрелә. Алар инструктор абыйлары Виктор Бабушкин белән бергә очу серләренә өйрәнәләр. Кем белә, шушы кечкенәдән мавыгу балаларга киләчәктә очучы яисә космонавт булып күктә очарга этәргеч булыр.

12-14нче июньдә Балтач муниципаль районының Кара Күл янындагы мәйданчыгында укучылар арасында җәяүле дистанцияләрдә спортлы туризм буенча Татарстан Республикасы беренчелеге – гомумбелем бирүче оешмаларында укучыларның 60нчы туристлык җыены уздырылды. Җыенда 10 муниципаль район һәм шәһәрдән 19 команда катнашты. Ярышлар ике яшь категориясендә алып барылды. Җыенда ярышлар җәяүле дистанцияләрдә һәм бәйге программасы нигезендә барды.

Бүген Татарстан укучылары информатика, биология һәм тарих буенча бердәм дәүләт имтиханнары тапшыра. Республикада информатикадан имтиханны 1423 чыгарылыш сыйныф укучысы, биологиядән 3 мең 352 һәм тарихтан 2 мең 368 егет һәм кыз сайлаган.

Бүген Татарстанның 5 мең 384 укучысы физика буенча һәм 1 мең 620 укучысы чит ил теле (язмача өлеш) буенча бердәм дәүләт имтиханы тапшыра. Республикада инглиз теленнән имтиханны 1550 укучы, испан теленнән 1, француз теленнән 22, алман теленнән 47 кеше сайлаган. Әлеге имтиханнар мәҗбүри түгел. Аларның нәтиҗәләре югары уку йортына укырга кергәндә генә кирәк.