ЯҢАЛЫКЛАР

1 июнь көнне “Идея” технопаркында робот техникасы буенча республикакүләм V фестиваль үткәрелә. Анда Татарстаннан 20ләп мәктәп командасы катнашыр дип көтелә.

Кадерле чыгарылыш сыйныф укучылары!
Хөрмәтле укытучылар һәм әти-әниләр!
Чираттагы уку елы да ахырга якынлашты. Кемдер өчен ул вакыйгаларга бай, кемдер өчен авыр, кемдер өчен онытылмаслык булды. Республикабызның 17 меңнән артык укучысы өчен бүген соңгы кыңгырау чыңлыячак. Сезнең һәрберегез алдында беренче җаваплы адым – үзегезнең һөнәри юлыгызны сайлау тора

Бүген Казанның Идел буе дәүләт физик культура, спорт һәм туризм академиясендә “Future Skills” Халыкара белем бирү форумы ачылды.
Әлеге чара Казанда 22 һәм 23 май көннәрендә уздырыла. Анда “WorldSkills International” халыкара хәрәкәте илләре вәкилләре, “WSI” милли оешмалары җитәкчеләре, бу өлкә белән кызыксынган галимнәр һәм экспертлар, бизнес вәкилләре чакырулы. Форум РФ Мәгариф һәм фән министрлыгы, Стратегик инициативалар агентлыгы һәм ТР Хөкүмәте тарафыннан гамәлгә ашырыла.

22 май көнне Әлмәт шәһәрендә “Россиядә махсус олимпиада” программасы буенча республика ярышлары узды. Бу чара Әлмәт махсус( коррекцияләү) мәктәбе базасында үткәрелде.

21 майда Татарстан Республикасы Президенты вазифаларын вакытлыча башкаручы Рөстәм Миңнеханов «Казан ярминкәсе» күргәзмә үзәгендә булды, анда WorldSkills стандартлары буенча III илкүләм һөнәри осталык чемпионатының финал ярышлары уза.
Искәртеп узабыз: WorldSkills стандартлары буенча III илкүләм һөнәри осталык чемпионатының финалы ТР Хөкүмәте ярдәмендә Казанда 19 майдан алып 23 майга кадәр барачак. Россиянең төрле төбәкләреннән килгән 500дән артык катнашучы 46 компетенциянең һәрберсендә эшче һөнәренең иң яхшы остасы дигән исем өчен көрәшә.

2015 елның 22 маенда Татарстан Республикасы Мәгариф һәм фән министрлыгында 2015 елда "Тотальный диктант" халыкара акциясендә катнашучылар һәм әлеге акцияне оештыручылар катнашында киңәшмә узды. 

Чаллыда дистә елдан артык инде 6-7 нче сыйныф укучылары өчен шәһәребезне өйрәнүне максат иткән “Отчий край” программасы эшли.
Укучылар Чаллының тарихын, аның истәлекле урыннарын, урамнарын, һәйкәлләрен, шәһәр үсешенә өлеш керткән күренекле шәхесләрнең тормышын, эшчәнлеген өйрәнәләр.

Бүген “Казан-Арена” стадионында Казан мәктәпләрен тәмамлаучы 5 мең 555 укучы өчен соңгы кыңгырау яңгырады. 2014-2015 нче уку елы тәмамлану хөрмәтенә бәйрәм ничек кенә тантаналы оештырылса да, бүген иртән Түбән Новгород өлкәсендә Татарстан укучыларының фаҗигагә юлыгуы аны берникадәр, әлбәттә, төссезләндерде, күңелгә борчу өстәде.
Соңгы кыңгырау тантанасында Татарстан Республикасы Президенты вазифаларын вакытлыча башкаручы Рөстәм Миңнеханов, ТР Премьер-министры урынбасары – мәгариф һәм фән министры Энгель Фәттахов, Казан шәһәре мэры Илсур Метшин, югары уку йортлары ректорлары, укытучылар катнашты.

"WorldSkills Russia" III илкүләм чемпионаты финалын онлайн-режимда карап була. Ярышлар көн саен 9.00-18.00 сәгатьләрдә чемпионатның finalwsr.ru рәсми сайтында трансляцияләнә. Онлайн-трансляция оештыру өчен пвильоннарда видеокамералар урнаштырылган.

2015 елның август аенда Казанда социаль юнәлешле коммерциячел булмаган оешмаларның өченче Республика форумы үтәчәк. Әлеге чарада 1000гә якын кеше, шул исәптән министрлык һәм ведомство, коммерциячел булмаган оешма вәкилләре катнашачак.