ЯҢАЛЫКЛАР

Бүген ТР Премьер-министры урынбасары – мәгариф һәм фән министры Энгель Фәттахов "WorldSkills Russia 2015" чемпионатының төбәк этабы җиңүчеләре белән очрашты.

2015 елның 5 апрелендә Г. Тукай исемендәге Татар дәүләт филармония концерт залында Габдрахман Әпсәләмов романы буенча төшерелгән “Ак чәчәкләр” телевизион сериалын тәкъдир итү кичәсе узачак. Фильм Татарстан Республикасы Мәгариф һәм фән министрлыгы заказы буенча “2014-2020 елларга Татарстан Республикасында ТР дәүләт телләрен һәм башка телләрне саклау, өйрәнү һәм үстерү” дәүләт программасын гамәлгә ашыру кысаларында Республика матбугат һәм массакүләм коммуникацияләр агентлыгы белән берлектә “Яңа гасыр” телерадиокомпаниясе тарафыннан әзерләнде.

2015 елның 3 апрелендә Казан шәһәре Вахитов районының инглиз телен тирәнтен укытучы 18нче урта мәктәп базасында "Мәктәпләрдә чит телләр укыту" дип аталган семинар узды.

2015 елның 2 апрелендә А.С. Пушкин исемендәге 9нчы лицей базасында "Тере классика" III Халыкара конкурсының төбәк этабы узды. Конкурста Татарстан Республикасы мәктәпләрендә белем алучы йөздән артык укучы катнашты.

Яр Чаллыда һәм Түбән Камада “Мәктәп картасы” проекты эшли башлый. Барлыгы 96 мәктәптә укучылар MasterCard түләү системалы банк карталары ярдәмендә ашханәдә тукланган һәм җәмәгать транспортында йөргән өчен түли алачак. Моннан тыш, карта мәктәпкә кергәндә электрон теркәү чарасы да булып тора.

Татарстанда тиешле вакытыннан алда база дәрәҗәсендәге математика буенча БДИ тапшырган 13 укучының 4се биремнәрне "икеле"гә эшләгән. Искәртеп узабыз: база дәрәҗәсендәге математика буенча БДИ 5 баллы шкала буенча бәяләнә, чыгарылыш сыйныф укучысына урта гомуми белем турындагы аттестат алу өчен 3 балл тупларга кирәк иде.

2015 елның 30-31 март һәм 1 апрель көннәрендә Наркотикларга каршы оештырылган комиссия тәкъдиме белән, Түбән Кама муниципаль районында Наркотикларны контрольдә тоту хезмәте идарәсе , сәламәт яшәү рәвешен алып баручы “Вместе” коммерцияле булмаган партнер белән берлектә, өстәмә профессиональ белем бирү программасын тематик камилләштерүгә юнәлдерелгән семинар уздырылды.

Бүген Казанның "Сәләт" яшьләр фонды йортында (Островский ур., 23) шул ук исемдәге Белем бирү технологияләре халыкара үзәге рәсми ачылды.
Беренче тренинг-семинар бүген узган инде. "Неформальное в формальном: принципы, походы и технологии неформального образования" дип аталучы тренингта балалар һәм яшүсмерләр белән эшләүче педагоглар катнашкан. Әлеге үзәк "2014–2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү" ТР дәүләт программасы кысаларында 2014 елда ТР Яшьләр эшләре һәм спорт, ТР Мәгариф һәм фән министрлыклары ярдәме белән гамәлгә куелган. "Сәләт" фонды башкарма директоры Тимур Сөләйманов сүзләренчә, әлеге үзәктә балалар һәм яшьләр белән эшләүче педагоглар өчен инновацион мәйданчыклар булдырылган һәм анда формаль булмаган белем алырга, шәхси үсеш, проектлар белән идарә итү, нәтиҗәле эш итүче командалар туплау һ.б. өлкәдә камилләшергә мөмкин. "Балалар артыннан куып тоту өчен үзебезгә дә үсәргә кирәк. 20 ел эшләү дәверендә "Сәләт" үзен оештыручы буларак күрсәтте. Бу үзәк бүгенге көнгә кадәр эшләп килде, әмма хәзер моның өчен уңайлы мәйданчык булдырылды", - диде ул үзәкнең рәсми ачылу тантанасында.